Gin-anunsyar sang mega star singer nga si Celine Dion sang Lunes, Marso 30 nga magabalik siya sa pagperform matapos ang malawig nga pagpahuway bangud sa iya ginasuprer nga balatian.
Sa isa ka video nga ginpakigbahin sa social media, ginpahayag sang 58-anyos nga Canadian nga nangin maayu na ang iya kondisyon kag natalana nga magapatigayon siya sang shows sa Paris sa Setyembre.
Suno diri, nakabaton siya sang pinakamanami nga regalo sa iya kabuhi sa subong nga tuig kun sa diin suno sa iya, nahatagan siya sang kahigayunan nga makita ang iya mga fans kag liwat nga maka perform para sa ila.
Magapagwa man siya sang bag-o niya nga single nga lauman iya pagakantahon sa iya mga shows sa Paris.
Nahibaluan nga nakanselar ang iya “Courage World Tour,” nga ginlunsyar sang 2019 bangud sa COVID-19 pandemic kag bangud man sang iya balatian.
Madumduman nga una na ginbuyagyag sang mega star singer sang Disyembre 22 nga na-diagnose siya nga Stiff Person Syndrome, isa ka autoimmune disorder.
