Kahapon pa lang, Miyerkules Santo, nagdagsa na ang mga pasahero sa pantalan sa Northern Negros Occidental agud nga magpauli sa ila mga Lugar para sa pag-obserbar sang Semana Santa.
Sa interview sang Bombo Radyo Bacolod kay Lt Junior Grade Richelito Arbis, Deputy Station Commander sang Coast Guard Station Northern Negros Occidental, nagdeploy na sila sang Coast Guard Personnel agud nga magbantay sa mga pantalan.
Suno kay Arbis, may yara sang mga personnel nga nagaroving sa mga pantalan agud nga masiguro ang safety sang tanan nga mga nagabiyahe.
Ginalauman nga tubtob subong nga adlaw magadagsa ang mga magabiyahe pasulod kag pagwa sa Northern Negros Occidental.
Kahapon, nakarecord ang Philippine Coast Guard sang kapin 13 mil ka mga pasahero nga nagabiyahe pasulod sa probinsya.
