Gin-athag ni Department of Energy (DOE) Secretary Sharon Garin nga ang desisyon sang Iran nga pahanugotan nga makaagi ang mga barko nga may karga nga energy supplies padulong sa Pilipinas sa Strait of Hormuz ang kabahin lang sang risk management initiatives sang gobyerno kag indi gilayon makapanubo sang presyo sang gatong.
Sa isa ka Facebook post, ginpahayag ni Garin nga naka-secure ang pungsod sang “safe and preferential access” sa Strait of Hormuz nga magapahagan-hagan sang risgo sang oil supply disruptions kag magapasiguro nga hilway ang Filipino seafarers sa tunga sang nagapadayon nga tensyon sa Middle East.
Suno sa tiglikom nga bukas ang ila ahensya para sa mga palamangkotan kag mga suhestiyon natuhoy sa sakop kag dulot sang ila kasugtanan sa Iran.
Nahibaluan nga gin-grant sa Pilipinas ang safe passage sa Strait of Hormuz matapos ang pag-istoryahanay nanday Foreign Affairs Secretary Ma. Theresa Lazaro kag Iranian Foreign Minister Seyed Abbas Araghchi.
