Ginpahog ni US President Donald Trump ang Iran nga ginbalosan man sang Iranian military.
Ang pagbaylohanay sang pamahog sang US kag Iran natabo kasunod sa padayon nga pagpangita sang duha ka pungsod sa namissing nga American crew member sang USF-15 fighter jet nga gin-atake sang Iran sang Biyernes samtang natigayon nga marescue ang piloto.
Santo sa report, apat ka tawo ang nareport nga napatay sa US-Israeli airstrike sa rehiyon kun diin ginapangita ang namissing nga US weapon systems officer.
Gina-alegar sa karun nga madamo sa mga Iranian ang mga nagpadulong sa lugar kun diin nagcrash ang fighter jet agud pangitaon ang American.
Gina-ingganyo naman sang Iranian officials ang mga tawo nga pangitaon ang missing crew member nga buhi kag may gintalana pa nga padya para sa makakita.
Ang US A-10 Warthog aircraft nga kabahin sang initial search-and-rescue mission ang gin-atake man apang narescue ang piloto.
Ginpahog ni Trump ang Iran nga may matabo nga dako nga giyera kun indi pagbuksan ang Strait of Hormuz apang ginpanginwala naman ini sang Iran sa pagpati nga ang mga pahayag ni Trump may kahadlok kag sala nga desisyon.
