Indi magnubo sa dose ka mga indibidwal ang napatay samtang pilason naman ang iban matapos ang isa ka airstrike sang Israel malapit sa isa ka eskwelahan nga nagaserbe nga evacuation center sang mga Palestinians kahapon, suno sa mga health official.
Natabo ang pag-atake sa nasidlangan sang Maghazi refugee camp sa tunga nga bahin sang Gaza Strip, kun diin may nagluntad nga kinagamo sa tunga sang mga residente kag isa ka Israeli-backed militia nga gina-alegar tuyo nga mangawat sa pila ka mga tawo.
Suno sa mga nakakita kag mga medic, samtang nagkinagamo, nagpalupok ang Israeli drones sang duha ka missile nga naigo sa nasambit nga komunidad nga ginatiniran sang mga displaced residents.
Samtang wala pa sang pormal nga pahayag ang Israeli military angot sa mga insidente.
