Nagabakal sang isda nga aloy, nagdyutay kasunod sang pagdamo sang nareport nga naglain ang pamatyag

Nagdiutay ang nagbakal sang isda nga aloy matapos ang mga report nga nakaeksperyensya sang allergic reactions ukon naglain ang pamatyag matapos makakaon sini.

Suno kay Nonoy Cordova, fish vendor sa Pala-Pala sa ciudad sang Bacolod, P500 lang ang income sini sa pagbaligya sang aloy kahapon.

Suno kay Cordova, naggamay ang nagbakal bangud man sa natabo sa Cadiz kun sa diin madamo ang naglain ang pamatyag matapos nga nakakaon sang aloy.

Ginasiguro man sini nga preska ang aloy nga ila ginabaligya.

Aminado man ini nga apektado ang ila pagbaligya sang nasambit nga isda bangud sa mga reports nga madamo ang naglain ang pamatyag bangud nakakaon sini.