Pilason ang isa ka Indian national nga babayi matapos nga gintiro sang iya ginapahayag nga bayaw sa Hacienda Buyong-buyong, Barangay Bagtic, Silay City, Negros Occidental kaina sang aga, Abril 8, 2026.
Ang mga biktima ang ginkilala nga si Sarbject Kaur, 42 anyos, Indian national kag residente sang Barangay Taculing, Bacolod City samtang nasalabat sanday Aaron Parojillo, 52 anyos kag residente sang Hacienda Azucena, Barangay Bagtic, Silay, Vicente Moises, 76 anyos kag residente sang Hacienda Masoguinon, Barangay Guimbalaon, Bacolod City kag daw ka Wala makilal-an nga indibidwal.
Sa impormasyon nga nakuha sang Bombo News Team Manpreet Brar, Indian national,
ginapahayag nga bayaw ni Sarbject Kaur.
Sa interview sang Bombo Radyo Bacolod kay Police Lt Col Edison Garcia, hepe sang Silay City Police Station, may daan na nga hiligut-anon sa tunga sang magbayaw antes ang insidente.
Parehas nga nagasakay sa tagsa ka motorsiklo ang duha ka Indian National sang hinali nga gintiro sang suspek ang biktima.
Ini ang nagpangayo pa sang bulig sa naglabay nga salakyan nga nagabiyahe padulong sa Barangay Guimbala-on apang siya ang ginpasundan sa pagluthang sang suspek.
Ini ang nagresulta sa pagkasamad sang tatlo ka iban pa.
Ang suspek sa karun ang padayon pa nga ginaayam sang mga kapulisan matapos nga magpalagyo sa wala mahibaluan nga direksyon.
