Ginkahangaw-an sang Department of Foreign Affairs (DFA) ang nagalala nga sitwasyon sa Strait of Hormuz.
Sa ginpatigayon nga hearing sang LEAD Committee, ginpahayag ni DFA Undersecretary Maria Andrelita Austria nga yara sa 5,600 ka mga seafarers ang stranded sa nasambit nga rehiyon sakay sang 477 ka mga barko.
Suno kay Austria, nagsarurot ang numero sang mga barko nga nagalabay sa ruta humalin sa 3,000 kada bulan, yara na lamang subong sa kapin 200 ka mga barko antes pa man ang gin-anunsyo nga ceasefire sa tunga sang Estados Unidos, Israel, kag Iran.
Sa pihak nga bahin, masobra 21,000 ka serbisyo ang nahimo sang gobyerno sa mga apektado nga Overseas Filipino workers (OFWs) suno kay Migrant Workers Secretary Hans Leo Cacdac.
Suno diri, 3,736 ka mga Pilipino ang nakapauli na sa pungsod sa bulig sang gobyerno samtang masobra 5,000 naman ka seafarers sa Persian Gulf ang padayon nga ginabantayan.
