Ginpa-athag sang medical doctor kun ano ang Yaman ng Kalusugan Program (YAKAP) sang PhilHealth.
Sa interview sang Bombo Radyo Bacolod kay Dr Vicente “Itik” Itturiaga, sa ciudad sang Bacolod, ang Queen Of Mercy Hospital lamang ang nagpa-acredit sa YAKAP.
Suno diri, sa YAKAP indi tanan nga bulong kag pagpalaboratory libre apang may makuha diri nga prebilehiyo ang mga pasyente nga miyembro sang PhilHealth nga wala sang ikasarang ibakal sang bulong kag magpalaboratory.
Suno kay Itturiaga, sa YAKAP may yara sang 21 list of medicines kag kun ang kinahanglan nga bulong yara sa lista, ini ang libre.
May yara man sang 54 list of medications nga amo ang mga maintenance nga bulong.
May yara sang P20,000 nga budget para sa maintenace sa kada pasyente sa sulod sang isa ka tuig.
Samtang, kun magpalaboratory naman ang pasyente, may yara man sang mga laboratory nga sulod sa YAKAP kun sa diin ang kada pasyente may yara sang P1,700 nga budget for laboratory kag kun ang nagasto sang pasyente masobra sa P1,700, mabayad lang sang P900 ang pasyente kag ang tanan nga test libre na.
Dugang pa sini, may yara sang mga doctor kag may mga ospital luwas sa ciudad sang Bacolod ang accredited sang YAKAP.
Ang mga ospital kun diin pwede maka-avail sang YAKAP amo ang yara sa Talisay City, Silay City, Bago City kag Murcia.
