Ginmando ni President Ferdinand Marcos Jr. ang madasig nga pagpanagtag sang P8 billion nga pondo sa masobra 42,000 ka mga barangay sa bug-os nga pungsod agud makabulig sa mga local government units sa pag-atubang sang krisis sa Middle East.
Suno kay Executive Secretary Ralph Recto, gin-umpisahan ang rollout sang programa nga “Bawat Barangay Makikinabang” sang tinalikdan nga Marso 24 samtang wala ini pormal nga gin-anunsyar.
Suno diri, ang kada barangay ang makabaton sang P200,000 para sa mga proyekto sa edukasyon, livelihood, kag sociodad.
Sa una ka batch, 5,000 na ka mga barangay ang nakabaton sang pondo.
Suno diri, mahimo gamiton ang katunga sang pondo ukon P100,000 para sa mga proyekto kaangay sang street lights, patrol vehicles, CCTV, kag mga generator para sa health centers kag evacuation centers.
Samtang ang nabilin nga P100,000 ang para sa “finisher program” ukon para sa mga estudyante nga yara na sa pinaka-ulihi nga tuig sa kolehiyo agud masiguro nga maka-graduate.
Suno kay Recto, tuyo sang gobyerno nga pabaskugon ang mga barangay bilang mga frontliner sa komunidad kag ipasiguro nga may ikasarang ang mga LGUs nga magsabat sa mga problema sang komunidad.
