-- ADVERTISEMENT --
Ginabulubanta nga magalab-ot sa P170 billion kada tuig ang mapierde nga kita sang gobyerno kun kuhaon ang VAT sa mga produktong petrolyo suno kay Department of Energy (DOE) Secretary Sharon Garin.
Apang suno sa tiglikom, mahimo pa nga mabag-o ini depende sa hulag sang presyo sang langis kag sa mangin disenyo sang ipatuman nga polisa, kun ini ang para sa pump price, importation, ukon sa kabug-usan nga supply chain.
Ginpaathag ni Garin nga ang VAT ang ginapatuman sa idalom sang National Internal Revenue Code, gani indi ini madali nga kakason sang ehekutibo.
Sa karon, ginahulat pa ang sabat ni Presidente Ferdinand Marcos Jr., natuhoy sa nangin rekomendasyon sang Development Budget Coordination Committee (DBCC) kaugnay sa excise tax sa langis.
