Sa pag-umpisa sang naval blockade sang Estados Unidos sa Strait of Hormuz kahapon, ginpahayag ni UN Maritime chief Arsenio Dominguez, Secretary-General sang International Maritime Organisation (IMO), wala sang legal nga kinamatarong ang bisan ano nga pungsod nga magpatigayon sang blockade sa Strait of Hormuz.
Suno kay Dominguez, apisar ang blockade sang US ang nagatutok lamang sa pagsulod sa mga Iranian ports, sa legal nga konteksto, wala sang basehan ang ano man nga pungsod para magbalabag sa nasambit nga alagyan bangud ini isa ka international strait.
Dugang pa sini, bisan pa diutay lang ang makalabay sa Strait of Hormuz antes pa man ang pamalabag sang U.S., ang ini nga tikang ang wala man nagahatag sang solusyon sa krisis nga gina-atubang subong.
Suno diri, masobra 20,000 ka mga tripulante ang indi makalabay, kag nagapabilin nga apektado ang global economy.
