Gin-report nga boluntaryo nga nagpa-check ang pop star nga si Britney Spears sa isa ka rehabilitation facility, isa ka bulan matapos siya maaresto bangud sa pagmaneho nga yara sa impluwensiya sang makahulubog nga ilimnon ukon druga.
Santo sa report sang US media, boluntaryo nga nagpachek sa iya kaugalinon si Britney sa treatment facility.
Naaresto ang anay pop hitmaker sang Marso 4 bangud sa DUI kag ginhilway gilayon sa Southern California.
Natalana ini nga mag-atubang sa korte sa Mayo 4 sa Ventura County Superior Court.
Suno sa representative ni Spears, ini ang indi maayu nga binuhatan gani himuon ni Britney ang insakto nga tikang kag siya ang magasunod sa layi.
Dugang pa, ginaluaman niya nga ini ang mangin isa ka tikang sa madugay na nga kinahanglanon nga pagbag-o sa kabuhi ni Britney.
Sa iya nga memoir sang 2023 nga “The Woman in Me,” ginpahayag sang pop star nga wala siya nagagamit sang hard drugs kag wala siya sang problema sa pag-inom.
Apang, gin-ako sini nga naga-inom siya sang Adderal, isa ka bulong para sa ADHD.
Matapos ang isa ka pampubiko nga breakdown sang 2007, ginbutang si Britney sa idalom sang conservatorship nga ginapamunuan sang iya nga amay nga si Jasmine Spears nga nagakontrol sang iya nga kwarta kag mga personal nga desisyon bisan padayon siya nga naga-perform.
Gintapos ang conservatorship sang isa ka korte sa Los Angeles sang 2021 matapos ang malapad nga suporta sang publiko para sa “Free Britney” movement.
