Lauman ang dako nga rollback sa presyo sang produktong petrolyo sa masunod nga semana.
Ini bangud nangin maayo ang hulag sang presyo sa nakaligad nga tatlo ka adlaw sang trading, kag nagapabilin nga manubo ukon posible nga maganubo pa gid ang presyo sang langis.
Base sa tatlo ka adlaw nga trading humalin Abril 13 tubtob 15, ginalauman nga maga-rollback sa presyo sang diesel sa P16.80 kada litro, sa gasolina P3.20 kada litro, samtang sa kerosene naman ang sa P2.60 kada litro.
Samtang, may yara pa sang duha ka trading days, gani mahimo magbag-o pa ang rollback.
Ginpasiguro man ni Garin nga supisyente ang suplay sang langis sa pungsod, nga ginabanta magdangat sa kapin 50 ka adlaw.
Dugang pa niya, asod-asod ang pag-abot sang mga bag-o nga suplay kada semana.
Para naman sa liquified petroleum gas (LPG), mas manubo ang imbentaryo sangsa iban nga fuel, nga yara sa masobra 36 ka adlaw nga suplay.
Samtang, i-anunsyo sang mga kompaniya sang langis ang opisyal nga presyo sa Lunes kag mangin epektibo ini sa Martes.
