Posible nga mangatubang si anay Ako Bicol Representative Zaldy Co sa deportation matapos ini maaresto sa Prague bilang undocumented alien bangud sa kanselado sini nga pasaporte.
Suno kay Department of the Interior and Local Government (DILG) Secretary Juanito Victor “Jonvic” Remulla, nahibaluan nga wala sang existing extradition treaty sa tunga sang Pilipinas kag Prague rasun para opisyal ini nga nangin unwanted alien sa nasambit nga pungsod kag posible ma-deport sa paglapas sa immigration laws.
Samtang, wala naman naghatag sang eksakto nga timeline ang tiglikom kun san-o posible nga mabalik sa pungsod ang anay kongresista apang ginpasiguro sini nga nagahimo na sang tikang ang gobyerno agud mapadasig ang pagbalik ni Co.
Samtang, nagahulat naman sa pagbalik ni Co ang mga booking procedures nga ipatigayunon sang Philippine National Police (PNP) antes ini ipaatubang sa Sandiganbayan para atubangon ang iya mga kaso.
