Pagaselyohan na sa ‘April-22 decision’ sang Internation Criminal Court (ICC) ang kaso sang mga napangalanan bilang co-perpetrator ni anay Presidente Rodrigo Duterte.
Suno kay Atty. Neri Colmenares, ang isa sa mga nagaserbe bilang legal counsel sang pamilya sang mga drug war victim, kun ibasura sang international tribunal ang petisyon sang kampo ni Duterte nga nagakwestiyon sa hurisdiksyon sang korte sa Pilipinas, pagaselyohan naman sang korte ang kaso sang mga co-perpetrator nga ginalauman ipa-aresto man sang korte.
Suno kay Colmenares, importante nga kumpirmahon sang ICC ang ila hurisdiksyon sa Pilipinas agud ma-detain man sini ang mga co-perpetrators, kaangay sang una sini nga pag-detain sa anay presidente.
Pahayag ni Colmenares, masobra isa na ka tuig sang gin-aresto ang anay presidente kag tion na para pasabton man ang mga co-perpetrator.
Lakip sa mga ginhingadlan co-perpetrator amo sanday Sen. Ronald “Bato” dela Rosa, Senator Christopher “Bong” Go, anay Justice Sec. Vitaliano Aguirre II, mga anay 4-star General nga sanday Oscar Albayalde kag Camilo Cascolan kag anay General Vicente Danao, anay NBI Director Dante Gierran, kag anay Philippine Drug Enforcement Agency chief Isidro Lapeña.
