Naglapta sa social media ang videos sang mga Indian nga nagasuksuk sang camera sa ulo para marecord ang ila trabaho agud gamiton para ma-ensayo ang Artificial Intelligence nga mabulos sa ila.
Nagtrending ang video sang mga manual workers sa isa ka garment factory sa India kun sa diin may yara sila sang ginbutang sa ila ulo nga strap nga may nakapilit nga camera.
Ginapatihan nga ang mga camera nadisenyo para magrecord sa giyo sang tawo kag gamiton ini para sa mag-ensayo sa mga robots.
Bangod macapture sang camera kun ano ang giyo kag nagakakita sang nagatrabaho, ini magamit para masunod sang mga robots ang ginahimo sang tawo.
Samtang, iban sa mga tawo nagpabutyag sang ila pagkabalaka nga kun magpadayon ini, mahimo nga sa pala-aboton madulaan sang trabaho ang tawo bangod robot na ang saligan sang mga kompanya.
