Hilway nga nakaabot sa Pilipinas ang 138 ka overseas Filipino workers (OFWs) nagikan sa Dubai kag Qatar upod ang ila 59 ka dependents bangud sang nagapadayon nga tensyon sa Middle East.
Suno sa Department of Migrant Workers (DMW), nakapauli sa pungsod ang nasambit nga mga Pinoy paagi sa duha ka flights.
Gin-assist ang mga ini sang Migrant Workers Offices kag Department of Foreign Affairs (DFA) sa repatriation process.
Magluwas diri, ginhatagan man sila sang medical kag financial assistance, matulugan, kag libre nga plete papauli sa ila tagsa ka probinsya.
Sa pihak nga bahin, luwas nga nakabalik sa Pilipinas ang 21 ka mga Filipino crew members sang oil tanker MT Aqua 1 nga naigo sang missile sa Persian Gulf.
Suno sa report, ginabuligan na sa subong sang Overseas Workers Welfare Administration (OWWA) ang mga seafarers kasunod sang insidente.
Safe man ang 11 ka mga crew members nga wala pa nakapauli kag ginalauman nga makaabot sa pungsod sa masunod nga mga inadlaw.
Sa pihak sang insidente, kumpirmado nga wala sang napilasan sa 21 ka mga Pinoy nga sakay sang barko nga ginakabig nga dako nga ginhawas sa tunga sang tensyon sa rehiyon.
