Nagpatuman sang bag-o nga polisa ang gobyerno nga maga-limit sa paghulag sang presyo sa mga produktong petrolyo kasunod sang pagdeklarar sang national energy emergency.
Suno sa Department of Energy (DOE), indi mismo direkta nga kontrolon sang gobyerno ang presyo sang langis, apang limitahan sini kun pila ang mahimo nga pagpasaka ukon pagpanubo sang presyo.
Sa idalom sang polisa, obligado ang mga kumpaniya sang langis nga sundon ang gintalana nga minimum rollback kag maximum nga price increase.
Sa ginhatag nga halimbawa ni Energy Secretary Sharon Garin, kun P24.94 ang rollback, mahimo mapasakaan pa ini sang kumpaniya apang indi dapat magpanubo sa gintalana nga presyo sang gobyerno.
Samtang, kun magpasaka sang presyo, indi ini dapat maglapaw sa gintalana nga cap sang DOE.
