Ginkwestyon sang mga mamalidha ang kahandaan sang Department of Education (DepEd) sa ginaduso nga three-term school calendar para sa School Year 2026-2027 bangud sa kakulang sang buffer days para sa class suspension kag indi maathag nga learning targets.
Sa hearing sang House Committee on Basic Education and Culture kahapon, gin-usisa sang panel sa pagpanguna ni Pasig City Rep. Roman Romulo, kun paano atubangon sang ahensya ang mga class disruptions, partikular ang mga suspension bangud sa pabag-o bag-o nga panahon.
Ginpaandaman sini ang DepEd nga ang tuman ka hugot nga schedule ang mahimo makapugong sa mga estudyante nga makatapos sa ila mga lessons.
Sa presentasyon sang DepEd, 172 lamang ka adlaw ang ginpain para sa pagtudlo, kulang sa ginakinahanglan nga 180 ka adlaw.
Bilang sabat, ginpahayag ni DepEd Assistant Secretary Janir TY Datukan nga may ginagamit nga budget of work ang mga manunudlo agud unahon ang kinahanglanon nga lesson base sa limitado nga oras.
