Gin-anunsyo ni U.S. President Donald Trump nga palawigon pa niya ang ceasefire sa Iran matapos naghingyo ang Pakistan, samtang ginahualt pa ang isa ka “unified proposal” naggikan sa Tehran.
Suno kay Trump, magapabilin nga extended ang ceasefire deal tubtob sa makasumiter ang Iran sang ila nga proposal kag matapos ang negosasyon.
Apang, nagapabilin man nga wala sang kasiguraduhan ang pagsinapol samtang nagahilapit ang pag-expire sang duha ka semana nga kasugtanan.
Sa karun, nagapangduha-duha pa gihapon ang Iran kun ini ang magapartisipar sa ikaduha nga round sang peace talk bangud sa nagapadayon nga naval blockade sang Estados Unidos sa Strait of Hormuz.
Gina-alegar ginkanselar man ni U.S. Vice President JD Vance ang nakatalana nga pagbisita sa Pakistan para sa peace negotiation.
Samtang padayon ang pagpaninguha sang Pakistan nga mag-ugyon ang duha ka pungsod agud malikawan ang liwat nga pagbombahanay.
Sa karun, nagapabilin nga bukas ang posibilidad sang panibag-o nga negosasyon ukon liwat nga paglala sang tensyon, samtang ginahulat pa ang desisyon sang Iran kag sang Estados Unidos.
