Nagtambong bilang guest ang Filipina Tennis star nga si Alex Eala sa 2026 Laureus World Sports Awards sa Madrid, Spain antes ang natalana niya nga pag-atubang sa Mutua Madrid Open subong nga semana.
Naglakat si Eala suksok ang beige nga Filipiniana gown sa red carpet nga ginhingadlan “Oscar of Sports” kun sa diin ginpasidunggan sanday Carlos Alcaraz kag Aryna Sabalenka bilang Sportsman kag Sportswoman of the Year.
Ginpangunahan sang mga legendary players nga sanday Novak Djokovic sang Serbia kag Eillen Gu sang China ang amo nga okasyon, nga magahatag sang pasidungog sa subong nga mga world’s best athletes.
Si Eala ang nagtapos sa Rafael Nadal Academy sa Spain, ang nagsuksok sang iconic Filipino dress nga gindesinyo sang iya tiyo nga si Rhett Eala, isa ka kilala nga fashion designer sa guwa sang pungsod.
Ang pagtambong sang Filipina Tennis Star sa isa sa pinaka-pretihiyoso nga awarding ceremony sa bug-os nga kalibutan ang ginalauman nga makabulig sa iya padulong sa masunod nga mga hampang gikan sa WTA1000 Madrid Open nga magasugod sa Miyerkules tubtob sa Mayo 3.
