Ginpanindugan sang Blisoo, agency sang Korean singer nga si Jisoo sang Blackpink, nga wala ini sang bisan ano nga kaangtanan sa utod sang singer nga gina-imbestigahan sang kapulisan bangud sa gina-alegar sexual asault.
Ini kasunod sang mga report sa isa ka lalaki nga nagapang edaron 30-anyos nga may apelyado nga Kim kag ginapatihan utod ni Jisoo nga gin-aresto sang Abril 15 bangud sa gina-alegar sexual assault sa isa ka babayi nga streamer sa Seoul, Korea.
Gin-akusahan ini nga naghimo sang pwersahan nga pagmolestiya matapos gin-imbitar ang babayi sa iya nga balay.
Samtang, gin-ako naman sang suspect nga may ara sila sang kontak apang ginpanginwala nga gin-gamitan niya ini sang pwersa.
Nagpangatubang man ini sa separado nga mga alegasyon sang domestic violence batok sa iya nga asawa nga mas nagpalala sa kontrobersiya.
Ginpaathag sang Blissoo’s legal representative nga si Atty Eun Hyun-ho sang Kim and Chang nga ang mga nasambit nga kaso ang wala sang bisan ano nga kaangtanan kay Jisoo kag sa ahensya.
Dugang pa, madamo sang pahayag nga nagaplapta online nga indi beripikado ukon wala sang kamatuoran.
Pahayag sang ahensya, madugay na nga naghalin si Jisoo sa iya nga pamilya bangud nagsugod siya bilang trainnee sang bata pa kag wala siya sang nahibaluan sa mga pribado nga gawi sang iya utod.
Nagpaandam naman ini nga magapatigayon sang civil kag legal action batok sa mga nagapalata sang false information ukon content nga naga-link sa singer nga wala sang kaangtanan sa issue kun sa diin gintawag ang mga ini nga paglapas sa katungdanan kag pagpangguba.
