Nagapati ang political analyst nga madugay na nga nadesisyonan ang confimation of chrages batok kay former President Rodrigo Duterte apang ginhulat anay nga mapaggwa ang ruling sa jurisdiction sang International Criminal Court sa Pilipinas.
Sa interview kay Atty Jomax Ortiz, iya man ginkakibot nga madasig ang pagkumpirmar sa tanan nga kaso ni Duterte isa ka adlaw matapos nga gindeny ang appeal sang anay presidente.
Suno diri, mahimo pa ni Duterte nga magfile sang motion for reconsideration apang madamo sang dapat nga iproseso.
Kasunod sini, may yara sang himoon nga trial chamber para sa trial proper kag may yara sang iappoint kun sin-o ang mapreside.
Suno kay Ortiz, santo sa rules sang ICC, anum ka bulan tubtob isa kag tunga ka tuig pa ang preparasyon antes patigayonon ang trial proper.
Nagapati ang abogado posible nga maumpisahan na ang trial proper sa Disyembre ukon posible man sa Hunyo sa masunod nga tuig.
Pahayag sini, posible nga sa sulod sang isa ka tuig may yara sang madakpan nga mga coperpetrators bangod ang ICC sekreto kun maggiyo sa pag-issue sang warrant of arrest.
