Lauman ang panibag-o nga rollback sa presyo sang produktong petrolyo sa masunod nga semana, apang mas gamay ang pagnubo kumpara sa nakaligad nga duha ka semana.
Base sa una nga tatlo ka adlaw sang trading, padayon ang pagpanaug sang presyo sang krudo kag gasolina.
Humalin Abril 20 tubtob Abril 22, may yara sang P10.00 rollback sa kada litro sang diesel, P1 naman sa kada litro sang gasolina, kag P10.90 sa kada litro sang kerosene.
May-ara pa sang nabilin nga duha ka trading days nga mahimo makaapekto sa final nga adjustment, kag wala pa diri nalakip ang risk premium costs.
Suno sa Department of Energy (DOE), padayon nila nga gina-adjust ang presyo samtang yara pa sa idalom sang national energy emergency ang pungsod.
Suno kay Jetti Petroleum President Leo Bellas, sigurado ang bag-o nga rollback sa diesel kag posible nga magpabilin ini sa double digit, apang sa gasolina naman, posible nga indi maghulag ukon gamay lamang ang ibuhin.
Dugang pa, mahimo nga magsaka pa liwat ang presyo sa ulihi nga duha ka adlaw sang trading bangud sa nagapadayon nga tensyon sa Middle East.
