Nagapaayo na ang isa ka pulis matapos nga makabunggo ang iya ginamaneho nga motorsiklo nga Kawasaki Versys 650 sa isa ka salakyan nga Mitsubishi Mirage G4 sa bahin sang dalan Circumferential, Barangay Alijis, Bacolod City, kahapon sang aga, Domingo, Abril 26.
Ang salakyan ang ginamaneho ni Anne Victoriano, 40 anyos kag residente sang Camilla South, Brgy. Tangub, Bacolod City samtang ang motorsiklo ang ginamaneho ni Police Corporal Kevin Christopher Bandiola, 32 anyos, single kag residente sang St. Francis Village, Brgy. Taculing, Bacolod City.
Sa interview sang Bombo Radyo Bacolod kay Police Major Elmer Bonilla, pinuno sang Traffic Enforcement Unit, ang salakyan kag ang motorsiklo nga ginamaneho sang pulis ang halin sa north to south nga direksyon sang hinali lang nga nagliko ang salakyan rason nga nabungguan ini sang motorsiklo.
Bangud sa impact nakaangkon sang samad ang police kag gilayon man nga gindala sa ospital kag nagapaayo na sa karun.
Lunsay man nga nakaangkon sang damages ang salakyan kag motorsiklo.
Sa karun natalana ang case conference sa tunga sang imbolbado nga partido para sa possible settlement ukon pagpasaka sang nagakaigo nga kaso.
