Nagpatigayon sang Ground Breaking Ceremony sa bag-o nga Murcia Municipal Building sa Barangay Salvacion kahapon, Abril 27.
Sa mensahe ni Murcia Municipal Mayor Gerry Rojas, ginpahayag sini nga ang proyekto ang ginakabig nga isa ka dako nga tikang para sa mas episyente nga serbisyo publiko para sa pumuluyo.
Suno sang Alkalde, duha ka pamilya ang nagdonar sang 2.5 ka ektarya nga may kabug-usan nga lima ka ektarya para sa pagatukoron sa building.
Suno kay Rojas, ang daan nga municipal hall ang paahon pa sang pre-war gani indi na makasarang sa nagadaku nga nga populasyon.
Paathag sini nga ang Murcia ang may 90,000 ka mga pumuluyo kag 23 ka mga barangay.
Gani suno diri, kinahanglangon gid sang mas dako kag organisado nga Municipal Building.
Pahayag sang alkalde nga ang bag-o nga building ang mangin kaangay nga “one-stop shop” kun sa diin yara diri tanan nga mga departamento.
Dugang pa ni Rojas, ang proyekto indi lamang para sa subong nga henerasyon kundi mangin dako man nga bulig sa masunod nga mga henerasyon sang banwa.
