Nagdangat na sa 15 ang ginbawian sang kabuhi sa pagbungguanay sang tren malapit sa Jakarta, Indonesia, lunsay mga babayi suno sa mga otoridad.
Natabo ang aksidente sang Lunes sa Bekasi Timur Station sang gina-alegar nakabunggo ang isa ka long-distance nga tren sa likod nga bahin sang nagapundo nga commuter train.
Ang nasambit nga tren ang nakatalana para sa mga kababainhan agud malikawan ang harassment.
Naglab-ot sa 88 ang pilason nga gilayon man nadala sa nagkalain-lain nga ospital para sa nagakaigo nga pagbulong samtang ang mga napatay naman ang ipaidalom sa proseso sang indentification.
Suno a state-owned railway operator nga si PT Kereta Api Indonesia, luwas naman ang 240 nga sakay sang long-distance train.
Padayon ang imbestigasyon sang mga otoridad, kalakip ang Indonesian police kag ang National Transportation Safety Committee, agud matumod ang rasun sa aksidente.
Angot diri, ginkumpirmar naman sang National Search and Rescue Agency (Indonesia) nga natapos na ang rescue operation kag wala na sang nadugang pa nga biktima.
