Temporaryo nga ginkustodiya ang 42 anyos nga Chinese national nga na-intecept sa Maantangan Port sa banwa sang EB Magalona matapos magtuyo nga magtabok sa Iloilo apang wala sang mapakita nga nagakaigo nga dokumento.
Sa interview sang Bombo Radyo Bacolod kay Lt Junior Grade Ronnielyn Lapitan, spokesperson sang Coast Guard substation EB Magalona, ginreport sa ila sang pantalan ang tuhoy sa tuyo nga pagtabok sang Chinese national nga residente sang Urumqi, China.
Sa ila paghinun-anon sa foreign national, gindepensa sini nga siya ang ginkawatan kag ang nabilin lamang sa iya amo ang toothbrush kag habon nga yara sa iya bulsa.
Suno diri, siya ang gikan pa sa Dumaguete City, Negros Oriental kag ginlakat lamang padulong sa Bacolod City, samtang halin sa Bacolod, siya ang naglakat man padulong sa EB Magalona.
Pahayag sini nga siya ang magakadto kuntani sa Boracay sa pagtabo sa iya nga nobya, kun sa diin siya ang magalabay sa pantalan sa Ahoy, Iloilo.
Apang suno kay Lapitan, mabudlay patihan ang mga pahayag sang foreign national, ilabi na nga inconsistent ang iya mga sabat sa pamangkot.
Gani ini ang temporaryo nga ginkustodiya kag sila ang nakig-angot sa Bureau of Immigration para magbackground check sa Chinese national.
Sa inisyal nga impormasyon sang Bombo News Team, ang Chinese national ang “overstayed” na sa Pilipinas bangod ini ang natumod nga nagsulod sa Pilipinas sang 2018 kag wala sang record nga “point of exit.”
