May ginpatigayon nga test drive sa 10 ka electric vehicles (EVs) nga gindonar sang local government sang ciudad sang Bacolod para sa Bacolod City Police Office.
Kahapon ginpangunahan ni Mayor Greg Gasataya ang pagturn-over sang 10 ka electric vehicles sa BCPO kag may yara sang ginpatigayon nga test drive.
Suno kay Guangzhou Automobile Corporation (GAC) Manager Jose Miguel Montinola, ang EVs fully electric powered vehicle kag wala sang fuel nga ginagamit diri.
Pwede ini magamit sa long driving range sa 400 km tubtob 600 km.
May yara sang 360-degree cameras kag sensors, keyless entry, front kag side curtain airbags, sunroof, kag AC/DC charging capability.
Suno kay Montinola, sa pagsulod pa lang sa salakyan, automatic na nga naga-power on ang EVs, ang aircon kag infotainment system.
Pwede ini maset sa driving mode para makasave sang battery apang mahinay ang pagdalagan sang salakyan kag may yara man sang normal mode kag I-pedal.
Apang sa sports mode, madasig ang pagdalagan sang EVs ilabi na kun may yara sang ginalagas kag kun may ginadalian.
5 seater ang salakyan kag wala na sang maintenance nga kinahanglan magluwas na lamang sa pagtsekyar sang battery health kag aircon.
