Wala pa gid makita ang isa ka persona nga naglumpat sa barko sa bahin sang Sipaway, Island sa San Carlos City, Negros Occidental sang tinalikdan nga semana.
Sa interview sang Bombo Radyo Bacolod kay Commander Artzell Anacan, Commander sang Commander sang Coast Guard Station Northern Negros Occidental, nagapadayon ang ila nga Search and Retrieval Operations kag panglima na kaadlaw kahapon, Abril 29.
Suno kay Anacan, upod nila sa operasyon ang katapo sang Disaster Risk Reduction Management Office (DRRMO), Bantay Dagat kag Maritime Police sa San Carlos City.
Suno diri, tubtob sa karun wala pagid makita ang lawas sang naglumpat.
Ginkilala ini nga si Jessie Rubin, 45 anyos kag residente sang General Luna, Sagay City, Negros Occidental apang may himata sa San Carlos City.
Ang crew sang ginasakyan nga barko ang nag-report nga naglumpat ini kag nakita sa CCTV nga nagasuksok sang jacket kag ginlantaw man ang CCTV sa ticketing outlet kag nag-coincide.
Suno kay Anacan nga ang natumod ang identity sang naglumpat matapos makig-angot ang mga ini sa ila couterpart sa San Carlos City kag sa himata sini.
Si Rubin ang ginapahayag ang may deperensya sa paminsaron.
Duha man ka asset sang Coast Guard ang gingamit sa pagpangita sa nasambit nga persona apang apisar sa ila nga effort tubtob sa karun wala gid nila makit-an.
