Padayon gihapon ang pagpang-atake sang Israel sa Lebanon apisar sang nagapadayon nga ceasefire nga ginpalawig sang Estados Unidos sang tinalikdan nga adlaw.
Nadugangan ang mga napatay sa indi magnubo sa siyam ka tawo sa separado nga pagpang-atake sang Israel sa pila ka bahin sang Lebanon.
Sa sulod lamang sang 24 oras, masobra 20 na ang ginbawian sang kabuhi sa pagpang-atake sang Israel.
Samtang masobra 70 naman ang pilason lakip na ang mga kababainhan kag kabataan.
Madamo naman sang napilitan nga magbakwit nga mga Lebanese nga gikan sa 15 ka mga banwa.
Ginkondenar sang Lebanese officials ang asod-asod nga pagpangbomba sang Israel nga ila ginatawag “violations of ceasefire”.
Sila ang nagapanawagan man sang International investigation agud mauntat na ang pagtarget sa mga sibilyan kag mga humanitarian workers.
Humalin sang Marso 2, ang death toll sa Lebanon ang nagdangat na sa 2,576 samtang 7,962 naman ang recorded nga pilason.
