Wala sang narecord bisan ano nga nagluntad insidente sa ginpatigayon nga rally protesta sang pila ka mga grupo nagikan sa nagkalain-lain nga sector kadungan sang pag-obserbar sang Labor Day, kahapon, Mayo 1.
Sa interview sang Bombo Radyo Bacolod kay Police Captain Efren Legada, Station Commander sang Bacolod Police Station 1, wala sang recorded incidents kag malinong kag matawhay ang ginpatigayon nga rally protesta nga gintambungan sang ginatos ka mga indibidwal.
Suno kay Legada, wala man sang recorded nga na-stroke sa tunga tunga sang rally ukon nakawatan sang cellphone ukon iban nga gamit samtang nagapadayon ang aktibidad.
Masobra Naman sa 100 ka police personnel ang gin-deploy sa ciudad sang Bacolod agud nga magbantay sa ginpatigayon nga aktibidad.
