Manny Pacquiao, nagpasalig nga madayun ang professional boxing match nila ni Floyd Mayweather Jr.

Nagpanindugan si eight-division world boxing champion Manny Pacquiao nga madayon ang upcoming match kay Floyd Mayweather Jr.

Apisar ginpanginwala ni Mayweather ang status sang ginabantayan nga away, gin-insister ni Pacquiao nga may ginpirmahan na sila nga kontratapara sa ila liwat nga pagsambuwa.

Pahayag pa niya, wala sang rason nga indi madayon ang away magluwas lang kun indi magbato si Mayweather.

Nag-ugat ini sa pahayag ni Mayweather nga para lamang sa kalingawan ang bout.

Bilang sabat, ginpahayag ni MP Promotions CEO Jas Mathur nga nagpirma ang boxer sang tatlo ka agreements kag nakabaton sang purse advance gani mahimo makabig nga breach of contract ang iya komento.