Naghatag man sang mensahe si Defense Secretary Gilberto Teodoro Jr. sa 79th Infantry Battalion bilang pagdayaw sa nangin madinalag-on nga operasyon sa barangay Salamanca, Toboso.
Sa video message sini, iya ginadayaw ang pagkapropesyonal sang mga suldado sa pagtuman sang ila trabaho nga mapa-untat ang mga nagapamatok sa gobyerno.
Suno diri, ang pagbisita ni Armed Forces of the Philippines Chief of Staff Gen. Romeo Brawner kaangay nga pagbisita man sini kag ni president Ferdinand Marcos Jr nga nagasalig sa ila battalion nga ginpaindugan ang ila pangalan bilang ‘Masaligan’.
Suno kay Teodoro, ang operation nga ginhimo nakasanto sa request mismo sang komunidad kag nagpasalig ini nga 24/7 nga ginabantayan ang Negros.
Iya man ginkasubo nga madamo sang nadisplace nga pumuluyo bangod sa paglupok sang bulkan Kanlaon apang ang mga NPA nagpagamo pa sa mga inosente nga miyembro sang komunidad.
Sa katapusan sang mensahe sini, nagpasalig si Teodoro nga kaupod sang 79th Infantry Battalion ang National Defense of the Philippines kag ang presidente nga wala nagapabaya sa mga suldado.
