Nagsaka sa mas mataas nga pwesto ang Filipina Tennis Star nga si Alex Eala sa pinakabag-o nga rankings sang Women’s Tennis Association matapos ang iya kampanya sa Madrin Open.
Halin sa No .44, nagsaka si Eala sa ika-42 nga pwesto sa singles rankings matapos makasulod sa second round sang torneo kun sa diin nakadugang siya sang 35 nga puntos para sa kabug-usan nga 1,285 nga puntos.
Sa iya nga kampanya, ginlutos ni Eala si Anastasia Pavychenkova sa first round sa iskor nga 6-3, 6-3 antes napierde kay Elise Mertens sa second round.
Sa doubles naman, nangin kaupod sini si Zeynep Sonmez kun sa diin naglab-ot sila sa second round.
Ginpierde nila sanday Chan Hao-ching kag Fanny Stollar sa first round, 6-2, 6-2, antes ang kapierdehan batok kanday Katerina Siniakova kag Taylor Townsend sa second round sa iskor nga 1-6, 5-7.
Bangud sa iya nga performance, nakakuha si Eala sang 120 puntos sa doubles nga nagsaka sa iya sa career-high nga No.88 sa rankings gikan sa anay No.99.
Sa subong, ang Filipina Tennis Star ang yara sa Rome agud preparahan ang iya nga pag-atubang sa Italian Open.
