Ginlaragway ni Vice President Sara Duterte nga “himo-himo” lang ang impeachment case nga ginreklamo batok sa iya sang Kamara de Representantes, kadungan sang pagpasalamat sa padayon nga pag-suporta sa iya sang publiko.
Ginpasalamatan man sang Bise Presidente ang mga tagasuporta nga nagapamatok sa impeachment proceedings paagi sa mga rally kag demonstrasyon.
Ginpakigbahin man ni Sara Duterte nga gin-istoryahan nila sang iya amay nga si anay President Rodrigo Duterte ang mga isyu nga ginapangatubang niya subong.
Suno diri, sila ang nagapati nga ang mga nagakatabo sa kabuhi sang isa ka tawo ang kabahin sang plano sang Diyos, kalakip na dira kun ini ang ma-impeach ukon indi.
Yara subong ang bise presidente sa The Hague agud bisitahon ang iya amay nga naka-detain kag nagapangatubang sang mga kaso nga crimes against humanity sa International Criminal Court.
Samtang, ginpahayag man sang Bise Presidente ang naga-init nga political climate antes ang 2028 presidential elections.
Suno diri, duna na sa politika nga mahigko ang mga taktika sang oposisyon.
Nagapati ini nga mas nagbaskog ang mga pag-atake sa iya bangud sa pag-anunsyar sini nga magpadalagan sa 2028 presidential race.
