-- ADVERTISEMENT --
Ginpahayag ni House Deputy Speaker kag National Unity Party (NUP) chairman Ronnie Puno nga 55 ka miyembro sang ila nga grupo ang nagasuporta na sa impeachment complaints batok kay Vice President Sara Duterte.
Suno kay Puno, magapatigayon pa sang isa ka round sang konsultasyon ang mga kongresista sa ila mga nasakupan antes ang ginalauman nga botohay sa Lunes, Mayo 11.
Gin-ako ni Puno nga sa umpisa, negatibo pa ang paglantaw sang kadam-an sa ila partido natuhoy sa impeachment, apang sa karon, nangin maathag na ang mayorya, ginabanta nga yara sa 30 ka mga miyembro ang pabor nga ipadala ang reklamo sa Senado.
