Ginpresentar sang National Bureau of Investigation (NBI) sa publiko ang lima ka mga indibidwal nga gin-aresto matapos gina-alegar nangilkil kay former House Speaker Martin Romualdez.
Sa isa ka press conference, ginpahayag ni Bureau of Investigation Director Atty. Melvin Matibag nga nangin madinalag-on ang pagkadakop sa nasambit nga mga indibidwal.
Nalakip sa mga naaresto ang isa ka online media network personality nga si Franco Mabanta, ‘founder’ sang Peanut Gallery Media Network.
Ginpangunahan sang Organized and Transnational Crime Division sang bureau ang ginpatigayon nga ‘entrapment operation’ nga nagresulta sa pagkadakop kay Mabanta.
Suno kay Director Atty. Matibag, posible nga mangatubang sang kaso nga Robbery (Extortion) si Mabanta.
Sa imbestigasyon, gina-alegar ginpahog sini si Leyte 1st District Rep. Romualdez paagi sa ‘intermediary’ nga ipagwa ang ‘video’ nga nagapakita sang ebidensya batok sa mamalidha sa isyu sang korapsyon sa baylo maghatag si Romualdez sang P300-million pesos nga mahimo tungaon sa apat ka hatagay nga tig-75 million pesos.
