Nagpagwa sang pahayag ang Islamic Revolutionary Guard Corps sang Iran, kun sa diin nakumpiska sini ang isa ka oil tanker sa isa ka special operation sa Gulf of Oman, samtang ginpahayag naman sang US military nga ginpauntat sini ang duha ka tanker nga magasulod kuntani sa mga pantalan sang Iran.
Nagwa ang pahayag matapos ang US kag Iran nagbayluhanay sang mga akusasyon kag mga pag-atake sa Strait of Hormuz, nga nagtuga sang kabalaka sa nagapadayon nga ceasefire kag peace talks.
Ginkumpirmar naman sang ila navy ang pagkuha sang barko nga Ocean Koi, nga ginaalegar bangud sa pagtinguha nga balabagan ang oil exports sang pungsod.
Sa pihak nga bahin sini, ginpahayag sang US Central Command nga gin-disable sini ang duha ka tanker nga may bandera sang Iran samtang nagapalapit sila sa mga pantalan sang Iran sa Gulf of Oman.
Ginpahayag sang US nga nagapabilin nga nakatutok ang pwersa sini sa pagpatuman sang blockade sa mga sakayan nga may kaangtanan sa Iran.
Madumduman nga nagbayluhanay man sang mga akusasyon ang US kag Iran angut sa mga pag-atake sa Strait of Hormuz, kun sa diin pareho sini ginreport ang mga insidente sang mga pilason kag pagkadula sang mga crew members.
