House Deputy Speaker Albee Benitez, nagapati nga mayorya sa mga kongresista sa NIR magaboto nga pabor sa impeachment ni VP Sara Duterte

Nagapati si House Deputy Speaker Alfredo ‘Albee’ Benitez nga posible mayorya sa mga kongresista sa Negros Island Region magaboto nga pabor sa impeachment ni Vice President Sara Duterte.

Suno kay Bacolod City Lone District Representative Abee Benitez, may naesturya ini kag may nabatian ini nga esturya nga pabor ang pila ka mga kongresista nga magboto sang ‘yes’ sa impeachment ni Duterte.

Suno diri, wala pa sini naesturya ang tanan nga miyembro sang Visayan bloc apang madamo na sang nagpabutyag nga pabor sa impeachment.

Apang, wala sini ginadula ang posibilidad nga may yara sang magbag-o sa ila desisyon nga ang mga nag- ‘yes’ sadto, nag- ‘no’ na sa botohay ukon ang mga nag- ‘no’, ang magaboto sang ‘yes’.