Duha ka mga residente sang Purok Magnolia, Barangay 7, Bacolod City ang nakaangkon sang paso sa nagluntad nga sunog.
Sa interview sang Bombo Radyo Bacolod kay Romo Pasaporte, nagapabilin sa ospital ang anak sini matapos nga makaangkon sang paso kun sa diin ang babayi nga si Romela ang nakaangkon sang second degree burn sa kamot kag sa paa samtang ang lalaki ang may paso man sa kamot.
Suno kay Pasaporte, ginpakamaayo niya nga nakahingagaw gwa ang iya mga bata.
Dugang pa sini nga kun gab-i natabo ang sunog madamo ang napatay.
Ginpahayag sini nga sang natabo ang sunog duha lang kabata sini ang nabilin sa balay.
Ang bata sini nga babayi ang nagakatulog bangud nagatrabaho ini bilang call center agent.
Nabatyagan sang bata sini nga lalaki ang sunog gani ginpukaw niya ang magulang sini kag nagwa na.
Sang nagdako ang kalayo nagbalik pa ang magulang sa sulod sang balay rason nga nakangkon ini sang paso.
Nagbalik ang bata sini agud kuhaon kuntani ang papeles, laptop kag computer.
Suno diri, islan nalang sini ang mga nasunog nga gamit kaangay sang computer.
Wala naman ini sa ila balay bangud mapacheck-up ini kuntani.
Sa karun, nagapaayo ang iya mga kabataan.
Nagpanugyan man ini sa tanan nga maghalong agud malikawan ang pagluntad sang kaangay nga insidente.
