Natapos ang kampanya sang Filipina Tennis Star nga si Alex Eala matapos siya mapierde ni Elena Rybakina, world No. 2 kag kampeon subong sa Australian Open, sa iskor nga 6-4, 6-3 sa ikatatlo nga round sang Italian Open sang Domiggo sa Foro Italico Complex sa Rome.
Maisog nga nagbato si Eala sa ikaduha nga set apang wala naounggan ang eksperyensya kag kabaskogon ni Rybakina bilang two-time Grand Slam champion kag reigning WTA Tour titlist.Nakarekord si Rybakina sang anom ka aces kag wala sang double fault.
Siya man ang labing una nga tennis player sa subong nga season nga naglab-ot sa Round of 16 sa tanan nga anom ka WTA 1000 tournaments.
Gintapos ni Rybakina ang hampang sa sulod sang 92 minutes.
Apisar sa kapierdehan, ginpahayag ni Eala nga nalipay sa sa ginpakita niya nga hampang sa 2022 Wimbledon chamoion kag sa iya kabug-usan nga kampanya sa clay tournament.
Magahampang pa si Eala sa duha ka clay tournaments bilang preparasyon para sa French Open nga pagahiwaton halin sa Mayo 24 tubtob sa Hunyo 7 sa Paris.
