Ginpanindugan sang National Bureau of Investigation (NBI) nga wala sila sang mga ahente sa sulod sang Senado sang matabo ang insidente sang paglinupok kagab-i, Mayo 13.
Suno kay NBI Director Melvin Matibag, yara sila sa isa ka hotel meeting sang nagluntad ang insidente.
Suno diri, ginpahalin na sila sa Senado antes pa man ang kinagamo sa Senado gani ginpanindugan sini nga wala sila sang deployed agents sa lugar.
Suno kay Matibag, may yara sila sang kasugtanan ni Senate President Alan Peter Cayetano nga indi sila magsulod sa senado samtang wala sang pormal nga mando kag koordinasyon naggikan sa nagkalain-lain nga ahensya.
Dugang pa, indi magpatigayon sang pag-aresto ang NBI samtang wala pa sang maathag nga direktiba.
Ginpahayag man ni Matibag nga wala sila naghinangpanay sang pila ka mga senador kalakip nanday Pia Cayetano kag Loren Legarda, angot sa mga alegasyon sa insidente, nga sila ang ginatudlo nga responsible sa natabo apisar wala pa sang pormal nga imbestigasyon.
Paathag pa sang opisyal, indi sila makabalik sa Senado sa subong agud maproteksyunan sini ang iya mga personnel samtang nagapadayon pa ang imbestigasyon natuhoy sa nasambit nga insidente.
