Posibilidad nga “staged” ang natabo nga Senate shooting incident, gina-imbestigaran sang NBI kag PNP

Gina-imbestigaran sang National Bureau of Investigation (NBI) kag Philippine National Police (PNP) ang posibilidad nga “staged” ukon may conspiracy ang natabo sa sulod sang Senado.

Nagpamalibad ang NBI nga kumpirmahon ang amo nga espekulasyon kag nagpanindugan nga kabahin pa ini sang nagapadayon nga imbestigasyon.

Suno kay NBI Director Melvin Matibag, nakatutok ang ila imbestigasyon sa factual evidence samtang nagakooperar ang PNP sa pag-imbestigar sang 20 ka mga personalidad nga yara didto sa lugar.

Sa karon gina-usisa sang mga otoridad ang kuha sang CCTV kag ang narekober nga bullet casings.

Ginpahayag ni Matibag nga wala pa sila sang may makuha nga konklusyon samtang nagapadayon pa ang imbestigasyon, apang ginpasalig sini nga ipahibalo sa publiko ang resulta kun matapos na ini.

Ginkumpirma ni PNP Chief Lt Gen Nartatez Jr nga ang NBI ang nagapanguna sa imbestigasyon.

Sa subong, gina-identify sang mga otoridad ang mga personnel nga nagadala sang armas kag assigned security forces sa sulod sang senado.

Lakip sa mga subject sa accounting amo ang mga personnel naggikan sa Office of the Sergeant-at-Arms (OSAA) Security, Police Security and Protection Group (PSPG), kag Armed Forces of the Philippines (AFP), partikular ang mga katapo sang Philippine Marines.

Suno kay Nartatez, 20 ka mga indibidwal ang na-identify kag na-interview sang OSAA kag NBI.