-- ADVERTISEMENT --
Natapos na ang duha ka adlaw nga summit ni US President Donald Trump kag Chinese President Xi Jinping.
Kaupod ni Trump ang pila ka mga opisyal sini sa diin nalakip sa gin-istoryahan sang duha ka lider ang pagpabaskog sang seguridad kag trading.
Kalakip man sa paghambalanay ang gyera sa Iran mangin ang topiko natuhoy sa China kag Taiwan.
Una na nga ginpahayag ni Trump nga may yara sang pila ka mga problema nga naresolba nga wala nahimo sang mga anay administrasyon sang Amerika kag ginpabugal sini nga ang relasyon sang duha ka pungsod ang mas nagbaskog pa.
Madumduman nga may yara sang indi paghangpanay ang duha ka lider matapos magpatuman ang Estados Unidos sang mataas nga taripa sa mga produkto nga naggikan sa China.
-- ADVERTISEMENT --
