Lima ka miyembro sang Southwest front sang New Peoples Army ang napatay sa serye sang engkwentro nga nagluntad sa banwa sang Cauayan kahapon humalin sang aga tubtob sang hapon.
Sa interview sang Bombo Radyo kay Brig. Gen. Jason Jumawan, commander sang 302nd Infantrty Birgade, indi magnubo sa 10 ka NPA ang naengkwentro sang 15th Infantry Battalion sa tatlo ka serye sang pagbaylohanay sang lupok.
Suno diri, lima ang kumpirmado nga patay nga gina-alegar lunsay mga lalaki.
Suno kay Jumawan, ginhambalan pa sang militar ang mga NPA nga magsurrender na apang nagpalupok ang rebelde nga grupo.
Nagbato ang militar bilang depensa para maproteksyonan ang ila kaugalingon.
Ginakasubo ni Jumawan nga may yara sang ginbawian sang kabuhi bangod sila ang mga Pilipino man.
Matapos ang engkwentro madamo sang narekober nga highpowered firearms sa area.
Pahayag ni Jumawan nga may nagreport sa ila nga may presensya sang NPA sa lugar nga ila gilayon ginpadulongan.
