Para kay political analyst Atty Jomax Ortiz may pagbag-o sa dereksyon sa lakat sang imbestigasyon sa flood control scandal kasunod sa pagbag-o sang chairmanship sa Senado.
Kahapon gin-aprubahan sang Senado ang bag-o nga set sang chairmanships sa committee on health, education, defense kag public services sa idalom sang majority bloc.
Si Sen. Rodante Marcoleta amo ang bag-o nga chairperson sang Committee on Public Services kaupod si Sen. Raffy Tulfo bilang vice chairperson.
Sa interview sang Ortiz, kun lain na ang nagpungko sa posisyon sa komitiba, may pagbag-o man sa lakat sang imbestigasyon.
Suno diri, nakadepende kun ano ang interes sang opisyal nga iya luyag proteksyonan bangod sa Senado may yara sang political dynamics.
Pahayag sini, sa karun bulubantayan naman kun ano ang gwa sang imbestigasyon sa anomaliya sa flood control projects kag mahimo nga maka-apekto pa ini sa impeachment ni Vice President Sara Duterte.
