Ginhatagan si Vice President Sara Duterte sang tubtob Hunyo 1 agud sabton ang writ of summons nga gin-isyu angot sa iya nga impeachment case.
Ginkumpirmar ni Senate President Alan Peter Cayetano nga pormal na nga gindul-ong sang Senate Sergeant-at-Arms ang writ of summons kag ang mga kopya sang Articles of Impeachment kay Duterte, kag ginkilala man sang Office of the Vice President ang pagbaton sa mga dokumento.
Sa idalom sang Resolution No. 39 ukon Rules of Procedure on Impeachment Trial, ginhatagan si Duterte sang napulo ka adlaw nga indi dapat pagpalawigon humalin sang ginbaton ini agud makasumiter sang iya sabat, kag kinahanglan man nga mag-atubang sa Senado “upon notice.”
Ang prosekusyon ang mahimo mag-file sang sabat sa sulod sang lima ka adlaw halin sa pagbaton sang sabat.
