Ginkakas bilang chairman sang Senate Blue Ribbon Committee si Senator Panfilo Lacson nga nagapatigayon sang imbestigasyon sa ginaalegar anomaliya sa mga flood control projects.
Ginbuslan ini ni Senator Pia Cayetano, utod ni Senate President Alan Peter Cayetano.
Samtang, liwat nga na-elect sa ila anay posisyon sanday Senator Robin Padilla bilang chairman sang committee on constitutional amendments kag Senator Imee Marcos bilang chairperson sang foreign relations committee.
Ginbuslan ni Padilla si Senator Kiko Pangilinan, samtang ginkuha naman ni Marcos ang pwesto ni Senator Erwin Tulfo.
Nagpabilin naman nga chairperson sang committee on environment si neophyte Senator Camille Villar kag ginauyatan man niya ang chairmanship sang committee on government corporations.
Gin-aprubahan ang mga bag-o nga committee assignments sa sesyon sang Senado kahapon.
